Բերձորը՝ այլընտրանքային ճանապարհի դիմաց, Փաշինյանի լուռ համաձայնությամբ
Նոյեմբերի 9-ի եռակողմ հայտարարության մեջ Արցախը Հայաստանին կապող այլընտրանքային նոր՝ 3-րդ ճանապարհի մասին ամրագրում կա: Առաջին երկուսը Քարվաճառի ու Բերձորի ճանապարհներն են: Քարվաճառինը ներկայումս Ադրբեջանի վերահսկողության տակ է, Գորիս-Բերձոր-Ստեփանակերտ ճանապարհն ունի միջանցքի կարգավիճակ և Ադրբեջանի հեռահար պլաններում այն ամբողջովին վերահսկելն է:
Ռուս խաղաղապահները Բերձորի ճանապարհով անցնողներին խորհուրդ են տալիս չշեղվել ճանապարհից ու դուրս չգալ խաղաղապահների վերահսկողության գոտուց: Թեև նոյեմբերի 9-ի կապիտուլյացիայի փաստաթղթով դա պետք է լիներ Ադրբեջանի կողմից ապառազմականացված միջանցք՝ երկու կողմերից 5 կմ լայնությամբ: Փաստաթղթի 6-րդ կետով կողմերը համաձայնել են 3 տարվա ընթացքում կառուցել Շուշին շրջանցող և Արցախը Հայաստանին կապող ճանապարհ, որը պետք է այլընտրանք դառնա Լաչինի 5 կմ լայնությամբ միջանցքին:
