Մեկ անձից գնումներ. Կոռուպցիայի անտեսանելի կողմը
Պետական գնումների ոլորտը միշտ էլ համարվել է ամենառիսկայիններից մեկը։ Հատկապես վերջին տարիներին ավելացել են մեկ անձից կատարվող պետական գնումները։ Գնման պայմանագրերի արժեքի գրեթե 45 տոկոսը բաժին է ընկել մեկ անձից կատարված գնումներին։ Դրանք երբեմն հրատապ գնումներն են, կամ, եթե պայմանավորված են մրցակցության բացակայությամբ։ Իսկ մրցակցության բացակայությունն էլ իր հերթին՝ կազմակերպությունների մենաշնորհային դիրք զբաղեցնելու հետևանք է։
Մեկ անձից պետական գնումներն ավելանում են ավելի արագ, քան ընդհանրապես գնումները: Մինչև 2018թ. օրենքը պահանջում էր մեկ անձից գնումներ կատարել բացառիկ դեպքերում:
Նախընտրելի էր մրցույթը: Որքան գնումներում շատ են մրցակիցները, այնքան ավելի մեծ հավանականություն կա, որ կձևավորվի մրցունակ գին և կլինի պետական միջոցների խնայողություն։
