Եթե 2 կողմից մոտ 150.000 զորք է կուտակվում, բախումների ռիսկ միշտ կա. Ռոբերտ Քոչարյան
Եթե 2 կողմից մոտ 100.000-150.000 զորք է կուտակվում, բախումների ռիսկ միշտ կա:
Հրավիրված ասուլիսին հայտարարել է ՀՀ երկրորդ նախագահ Ռոբերտ Քոչարյանը:
«Միշտ կա ռիսկ, որ նույնիսկ մի լոկալ ընդհարում կարող է բերել ավելի մեծ կոնֆլիկտի»,- շեշտել է նա՝ հավելելով, որ այդ բախումների հետևանքով մեզ համար որևէ լավ բան չի կարող լինել:
Ըստ նրա՝ վերջին շաբաթում ԱՄՆ-ի, ՌԴ-ի և Եվրոպական երկրների ակտիվությունը փորձ է՝ կանխել նման զարգացումները:
«Բայց ակնհայտ է՝ ոչ ՌԴ-ն, ոչ ԱՄՆ-ը, ոչ ՆԱՏՕ-ն այդ ֆունդամենտալ հարցերում զիջումների չեն ուզում գնալ: Եվ եթե նույնիսկ որոշակի դեէսկալացիայի սահմանի վրա տեղի ունենա, ապա լարվածությունը, այնուամենայնիվ, մնալու է և իր դրսևորումներն է ստանալու այլ ուղղություններով»,- նշեց Քոչարյանը:
