Քոչարյանը նշել է, թե որ դեպքում Թուրքիան տոտալ ազդեցություն կունենա մեր քաղաքական գործընթացների վրա
Թուրքիան դադարելու է մեզ տեսնել իր ծրագրերի խոչընդոտ միայն մեկ պարագայում՝ եթե ունենա տոտալ ազդեցություն մեր քաղաքական գործընթացների վրա:
Հրավիրված ասուլիսի ժամանակ հայտարարել է ՀՀ երկրորդ նախագահ Ռոբերտ Քոչարյանը:
«Սա ենթադրում է, որ Թուրքիան պետք է գերիշխող դիրքեր ունենա մեր տնտեսության մեջ և Թուրքիան պետք է լիարժեք ազդեցություն ունենա մեր քաղաքական էլիտայի վրա: Երբ է սա հնարավոր. երբ ռուսական ազդեցությունն այստեղ սկսի դադարել և փոխարինվել թուրքական ազդեցությամբ: Եվ դա հնարավոր է, եթե Հայաստանը հրաժարվի Ղարաբաղից ընդհանրապես: Այս ալտերնատիվը Հայաստանի համար կարող է գործել: Եվ այս քաղաքականությունը աջակցություն է ունենալու ԱՄՆ-ի կողմից, քանի որ այս ճանապարհով կարելի է հեռացնել ՌԴ ազդեցությունը»,- շեշտել է Քոչարյանը:
