«Tesla»-ն սկսել է մուտքը թուրքական շուկա
Էլեկտրական ավտոմեքենաներ արտադրող ամերիկյան «Tesla» ընկերությունը սկսել է մուտքը թուրքական շուկա: Նշվում է, որ Թուրքիա մուտքի շրջանակներում Թուրքիայի Անկարա, Ստամբուլ, Անթալիա Սաքարյա, Բուրսա, Իզմիր, Այդըն, Բալըքեսիր, Քոնյա, Հենդեք և Էդիրնե քաղաքներում կհիմնվեն ավտոմեքենաների մարտկոցների արագ լիցքավորման կայաններ։ Այս մասին տեղեկացնում է ermenihaber.am-ը։
Բացի դրանից Ստամբուլում կբացվի ընկերության գրասենյակը, որի թափուր հաստիքների համար «Տեսլան» արդեն հայտարարություն է տվել:
Հաղորդվում է, որ Թուրքիայում ներկայացված է լինելու ընկերության մոդելային շարքն ամբողջությամբ:
