Թուրքիայի նախագահը նամակ է հղել Պոլսո Հայոց պատրիարքին
Թուրքիայի նախագահ Ռեջեփ Թայիփ Էրդողանը, չհամակերպվելով սեփական պետության անցյալի հետ, կրկին խուսափել է ցեղասպանություն անվանել 1915թ. Օսմանյան Թուրքիայի կողմից ծրագրված և իրականացված հայերի կոտորածները:
Թուրքիայի նախագահը Պոլսո Հայոց պատրիարք Սահակ եպիսկոպոս Մաշալյանին ուղղված նամակում նշել է, որ հարգում է Առաջին աշխարհամարտի դժվարին ժամանակներում զոհ դարձած հայերի հիշատակը:
«Հարգում եմ Օսմանյան պետությունում Առաջին համաշխարհային պատերազմի դժվարին ժամանակներում զոհ դարձած հայերի հիշատակը, ցավակցում եմ նրանց թոռներին»,- ասված է հաղորդագրությունում:
Թուրքիայի նախագահ Ռեջեփ Էրդողանի` Պոլսո Հայոց պատրիարքին ուղղված նամակը հաջորդել է ԱՄՆ նախագահ Ջո Բայդենի կողմից Հայոց ցեղասպանության ճանաչմանը:
