Թուրքիայում երկրաշարժ է տեղի ունեցել
Թուրքիայի ափերի մոտ`Էգեյան ծովում, 4,2 մագնիտուդ ուժգնությամբ երկրաշարժ է տեղի ունեցել: Այս մասին տեղեկացնում է trthaber.com կայքը` հղում տալով Թուրքիայի կառավարությանն առընթեր աղետների կանխման և չեզոքացման վարչությանը:
Հաղորդվում է, որ ստորգետնյա ցնցումները գրանցվել են տեղական ժամանակով 22:49-ին՝ Մուղլա նահանգի Դաթչա շրջանի ափերի մոտ:
Նշվում է, որ ցնցումների օջախը գտնվել է 7,08 կմ խորության վրա:
Տուժածների և ավերածությունների մասին տեղեկություններ չեն հաղորդվում:
