«Եկեք այս ամենը անենք հավասարակշռված և մնալով քաղաքակիրթ: Առանց ծաղրելու, չարախնդալու: Չկորցնենք մեր դիմագիծը»․ Գոհար Աբաջյան
ԱԺ նախագահ Արարատ Միրզոյանի կինը՝ Գոհար Աբաջյանը, ֆեյսբուքյան իր էջում գրել է. «Այո, պետք է կարողանանք բոլոր հնարավոր հարթակներում, բոլոր հնարավոր ճանապարհներով եվրոպական երկրներին ցույց տալ կապը արցախյան ճակատում թուրքա-ադրբեջանական ահաբեկիչների գործողությունների, միջազգային հանրության անտարբերության և վերջին օրերին Եվրոպայում տեղի ունեցող ահաբեկչական գործողությունների միջև:
Պետք է ահազանգենք տարածաշրջանին սպառնացող վտանգի մասին:
Բայց եկեք այս ամենը անենք հավասարակշռված և մնալով քաղաքակիրթ: Առանց ծաղրելու, չարախնդալու: Կարեկցանքով:
Չկորցնենք մեր դիմագիծը:
#ՀԱՂԹԵԼՈՒԵՆՔ»։
