Սյունիքում այս պահին կորոնավիրուսով վարակվածների թիվը 13-ն է. մարզպետի խորհրդական
Սյունիքում կորոնավիրուսով վարակման ընդհանուր 59 դեպք է գրանցվել. 168.am-ի հետ զրույցում ասաց Սյունիքի մարզպետի խորհրդական Արմինե Ավագյանը:
«Բուժվել է 46 հոգի: Այս պահին փաստացի բուժվողները 13-ն են: Մահվան դեպք Սյունիքում չկա»:
Մեր հարցին, թե 59 հաստատված դեպքի պարագայում քանի՞ մեկուսացված կամ ինքնամեկուսացված մարդ կա, Ավագյանը պատասխանեց.
«Մեկուսացված չկա, ինքնամեկուսացվածները 181 հոգի են»:
