«Ռեալ»-ը տնային հանդիպումները կանցկացնի իր մարզաբազայում
Մադրիդի «Ռեալ»-ը Լա լիգայի մրցաշրջանի մյուս հատվածի խաղերը կանցկացնի թիմի մարզաբազայի մարզադաշտում: Այս մասին հայտնում է AS-ն: Այժմ թիմը մարզվում է «Ալֆրեդո դի Ստեֆանո»-ի անվան մարզաբազայում և հենց այդտեղ էլ կանցկացնի հանդիպումները մինչև 2021 թվականի հունվար ամիսը:
Նախօրեին հայտնի դարձավ, որ «Ռեալ»-ը մոտ երկու ամսվա դադարից հետո վերսկսել է մարզումները: Ֆուտբոլիստները կմարզվեն անհատական ծրագրով և շփում չեն ունենա միմյանց հետ:
