«Դատարկամիտ ԱԺ և քաղաքական հարաբերություններ…». Արտակ Զաքարյան
Արտակ Զաքարյանը ֆեյսբուքյան իր էջում գրում է. «Դատարկամիտ ԱԺ և քաղաքական հարաբերություններ…
Ինչպես և կանխատեսում էինք, թավշյա իշխանափոխությունը բերեց գաղափարական դատարկության: Ոչ միայն դատարկության, այլ նաև գաղափարա-քաղաքական բոմժության: Այն, որ Նիկոլակենտրոն իշխանափոխությունը ծառայեցվում է ազգային-ավանդական արժեքների հետևողական ոչնչացմանը՝ նույնիսկ ոզնիներին է հայտնի:
Նիկոլը Փաշինյանը և «Իր քայլը» մեծամասնությունն ակնհայտորեն չունեն որևէ հայտարարված գաղափարախոսություն: Ավելին, նրանք հայտարարությամբ մերժել են «իզմեր» ունենալը: Հարց է ծագում, իսկ ինչո՞ւ: Որովհետև դա վերապահված չէ իրենց, այլ հանդիսանում է այսպես կոչված հեղափոխության «տերերի» մենաշնորհը: Նրանք են որոշում, թե ե՞րբ և ի՞նչ պետք է անի իշխանությունը: Իսկ այնտեղ, որտեղ պետք է ձևավորվեն քաղաքական գաղափարներն ու օրակարգերը՝ կլինի մեծ դիմակահանդես-շոու:
Նայեք Ազգային ժողովին, ու կտեսնեք, թե ինչի է վերածվել քաղաքականությունը: Եթե յուրաքանչյուր պառլամենտում սովորաբար լինում են շոուների համար պահվող մեկ-երկու հատուկ պատգամավորներ, որոնք պետք եղած պահին շեղում են ուշադրությունը, ապա մեր պառլամենտում բոլորն են զբաված այդ հարցով (բացառությամբ՝ մի քանիսի, որոնք որևէ եղանակ չեն փոխում): Իսկ այդ ընթացքում սահուն կերպով ոտնահարվում են հայ մարդու ինքնության և զարգացման գաղափարական-արժեքային հենասյուները»:
Դատարկամիտ ԱԺ և քաղաքական հարաբերություններ Ինչպես և կանխատեսում էինք, թավշյա իշխանափոխությունը բերեց գաղափարական…
Gepostet von Artak Zakaryan am Dienstag, 12. Mai 2020
