«Արսենալը» պատրաստ է վաճառել Օբամեյանգին
Լոնդոնի «Արսենալի» հարձակվող Պիեր-Էմերիկ Օբամեյանգը կարող է կարիերան շարունակել «Բարսելոնայում»:
Ըստ Diario Sport-ի, լոնդոնցիները ցանկանում են գաբոնցի ֆուտբոլիստի վաճառքից առնվազն 55 միլիոն եվրո վաստակել: «Բարսելոնան» ակնկալում է գնի իջեցում բանակցությունների ընթացքում:
Կատալոնացիները հունվարի վերջին խոսել են Օբամեյանգի շրջապատի հետ, բայց մերժում են ստացել «Արսենալից»:
Սակայն խաղացողի ներկայացուցիչները «Բարսելոնային» հասկացրել էին, որ պատրաստ են հետաձգել լոնդոնցիների հետ պայմանագրի շուրջ բանակցությունները (համաձայնագիրը լրանում է 2021 թվականի ամռանը), որպեսզի «Արսենալը» համաձայնվի վաճառել նրան:
Օբամեյանգի թեկնածությունը հաստատվել է «Բարսելոնայի» ղեկավարության կողմից:
Պատրաստեց Անի Գաբուզյանը
