«Այսօր ես ձեզ եմ դիմում ոչ թե՝ որպես ֆուտբոլիստ, այլ՝ որպես հայր, որդի…». Ռոնալդուն՝ կորոնավիրուսի մասին
«Յուվենթուսի» հարձակվող Կրիշտիանու Ռոնալդուն իր հետևորդներին հորդորել է լրջորեն վերաբերվել կորոնավիրուսի տարածման խնդրին:
«Աշխարհն անցնում է բարդ ժամանակաշրջան, և այժմ բոլորիցս պահանջվում է առավելագույն զգուշավորություն և ուշադրություն:
Այսօր ես ձեզ եմ դիմում ոչ թե՝ որպես ֆուտբոլիստ, այլ՝ որպես հայր, որդի, մարդ, որը մտահոգված է իրադարձությունների վերջին զարգացմամբ, որոնք տարածվել են ամբողջ աշխարհում:
Կարևոր է հետևել Առողջապահության համաշխարհային կազմակերպության (ԱՀԿ) և իշխանությունների առաջարկություններին, թե ինչպես հաղթահարել ստեղծված իրավիճակը:
Մարդկային կյանքի պաշտպանությունը պետք է լինի ամեն ինչից վեր: Ես մտքով բոլորի հետ եմ, ովքեր կորցրել են սիրելիներին, և ուզում եմ բարոյապես աջակցել վիրուսի դեմ պայքարողներին, ինչպես իմ թիմակից Դանիել Ռուգանին, ինչպես նաև բոլոր բուժաշխատողներին, ովքեր իրենց կյանքը վտանգում են՝ ուրիշներին փրկելով»,- գրել է Կրիշտիանուն:
Պատրաստեց Անի Գաբուզյանը
