Saudi Aramco-ն նավթի արտադրական հզորությունները կավելացնի օրական 1 մլն բարելով
Սաուդյան Արաբիան հայտարարել է, որ մտադիր է նավթի արդյունահանման արտադրական հզորություններն ավելացնել օրական 1 մլն բարելով: Այդ մասին ասված է Saudi Aramco ընկերության հաղորդագրության մեջ։
«Saudi Aramco-ն հայտարարում է, որ էներգետիկայի նախարարությունից ցուցում է ստացել կայուն արտադրական հզորություններն օրական 12 միլիոնից ավելացնել մինչեւ 13 մլն բարել»,-նշվում է փաստաթղթում: Ցուցումն իրականացնելու ժամկետը չի նշվում:
Ավելի վաղ Սաուդյան Արաբիան հայտարարել է ապրիլից նավթի արդյունահանումը 26 տոկոսով՝ օրական մինչեւ 12,3 մլն բարել ավելացնելու մտադրության մասին, հաղորդել է ՏԱՍՍ-ը:
