Արցախում վիրավորված զինծառայողը տեղափոխվել է Երևան
2020թ. հունվարի 24-ին՝ ժամը 06:55-ի սահմաններում, N զորամասում գլխի շրջանում հրազենային վիրավորում ստացած պարտադիր ժամկետային զինծառայող շարքային Հենրի-Հայկ Սիմոնի Զաքարեանը տեղափոխվել է Երևան:
«Արմենպրես»-ի հարցին ի պատասխան այս մասին ասել է ՀՀ պաշտպանության նախարարի տեղակալ Գաբրիել Բալայանը:
«Նրան մեկ անգամ արդեն վիրահատել են հունվարի 24-ին, վիճակը գնահատվում է կայուն ծանր: Երկրորդ վիրահատության անհրաժեշտություն դեռևս չկա: Նրա ապաքինման դինամիկայից ելնելով բժիշկները կորոշեն իրենց անելիքները»,- նշել է Բալայանը:
Անդրադառնալով նաև նույն օրը պարտադիր ժամկետային զինծառայող, աջ բազկի շրջանում հրազենային վիրավորում ստացած կրտսեր սերժանտ Արմեն Ջոնիկի Մեսրոպյանին՝ ՀՀ ՊՆ փոխնախարարը շեշտեց, որ նրա կյանքին վտանգ չի սպառնում:
«Բժշկական բոլոր միջոցառումներն իրականացվել են, նա շուտով կվերադառնա իր ծառայությանը»,- ասել է Բալայանը:
