Նախնական տվյալներով՝ 83 մարդ է եղել Աֆղանստանում կործանված ինքնաթիռում
Հունվարի 27-ին Ariana Afghan Airlines ընկերության մարդատար ինքնաթիռն աղետի է ենթարկվել Աֆղանստանի արեւելքի Ղազնի նահանգում: Այդ մասին հայտնել է 1TV հեռուստաալիքը՝ վկայակչելով տարածաշրջանի նահանգապետի ներկայացուցչին, տեղեկացնում է «Ինտերֆաքս»-ը:
Ներկայացուցիչը նաեւ հայտարարել է, որ արդեն կործանման վայր է ուղեւորվել արագ արձագանքման խումբը: Իր հերթին Tolo News հեռուստաալիքը նշել է, որ ինքնաթիռն ընկել է «Թալիբան» շարժման վերահսկողության տակ գտնվող տարածքում: Նախնական տվյալներով՝ ինքնաթիռում եղել է 83 մարդ: Հանրանավը, ըստ նախնական տեղեկատվության, Հերաթ քաղաքից ուղեւորվել էր Քաբուլ: Մինչդեռ, ինպես հաղորդել է ՏԱՍՍ-ը, Afghan Airlines-ն ինքը հերքել է Ղազնիում ինքնաթիռի կործանման վերաբերյալ տեղեկատվությունը:
