Զարյան փողոցում ամբողջությամբ այրվել է չբնակեցված տնակ
Նոյեմբերի 26-ին, ժամը 01:52-ին «911» ծառայություն ահազանգ է ստացվել, որ Երևանի Զարյան փողոցի թիվ 74բ շենքի մոտակայքում այրվում է տնակ:
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ:
Հրդեհը մեկուսացվել է ժամը 02:19-ին, մարվել՝ 02:30-ին:
Այրվել են չբնակեցված տնակը՝ ամբողջությամբ (20 քմ) և բաց ծածկը (6 քմ):
