Վաստակել գումար՝ վաճառելով սեփական բովանդակությունը․ WireStock

Հանգստյան օրերին Հայաստանի Ամերիկյան համալսարանում տեղի ունեցավ  HIVE տեխնոլոգիական համաժողովը, որը կապում է հայկական նորաստեղծ ընկերություններին և ստարտափներին Սիլիկոնյան հովտի հետ։

5-րդ անգամ անցկացվող համաժողովում տեղի ունեցավ փիչինգի մրցույթ, որի հաղթողը ստացավ 25,000 դոլար ներդրում։

Փիչինգից հետո հաղթող ճանաչվեց WireStock նախագիծը, որն օգնում է իր օգտատերերին գումար վաստակել՝ վաճառելով հենց իրենց կողմից ստեղծված բովանդակությունը։

«Ներկայումս, բովանդակության առևտրի հիմնական հարթակներում մեկ լուսանկար/տեսանյութ հասանելի դարձնելու համար ստեղծագործող մարդը ծախսում է մինչև 15 րոպե՝ 5-10 տարբեր կայքերում լրացնելով երկար ձևաթղթեր:

WireStock-ն արագացնում է բաժնետոմսերի պարունակության կառավարման, լիցենզավորման (վաճառքի) գործընթացը՝ ստեղծողներին ապահովելով միակողմանի մուտք դեպի բոլոր բովանդակության շուկաներ:

2019 թվականի փետրվարին՝ մեր պլատֆորմի գործարկման պահից ի վեր, ներկայացվել են հազարավոր բարձրորակ պատկերներ, և բովանդակության տասնյակ ստեղծողներ կարողացել են գումար վաստակել՝ օգտագործելով Wirestock-ը»,- պատմում են ծրագրի հեղինակները:

Օգտատերերը կարող են գումար վաստակել ամեն անգամ, երբ իրենց ստեղծած  բովանդակությունը ներբեռնվում է տարբեր բովանդակության շուկաներից:

Ուղղակի վերբեռնեք, ընտրեք նախընտրելի շուկաները և ներկայացրեք ձեր լուսանկարները: Wirestock-ը հոգ կտանի հիմնական բանալի բառերի և մնացած բոլոր մանրամասների մասին:

Ծրագրի շնորհիվ կարիք չկա տարբեր հաշիվներ բացել և ղեկավարել դրանք տարբեր բովանդակության կայքերում:

«Ներկայացրե՛ք ձեր աշխատանքը Wirestock-ին, և մենք այն րոպեների ընթացքում կտարածենք  բաժնետոմսերի պարունակության խոշոր շուկաներում: Խնայեցեք լրացուցիչ ժամանակ՝ ստանալով հավաքված գումարը մեկ վայրից»,- ասում են նախագծի հեղինակները։

Wirestock-ը տրամադրում է նաև եկամուտների լիցենզիայի և այլ կարևոր չափումների վերաբերյալ համախմբված հաշվետվություններ:

WireStock-ին մրցանակը հանձնեց ՀՀ բարձր տեխնոլոգիական արդյունաբերության նախարար Հակոբ Արշակյանը։ Վերջինս նշում է, որ Հայաստանի կառավարությունը փորձում է աջակցություն ցուցաբերել ոչ միայն տեղական ընկերություններին, այլև այն ընկերություններին, որոնք մասնաճյուղեր են բացում Հայաստանում։

Փիչինգին մասնակցել են նաև Lucky Carrot, Expper Technologies, payva, StackDev, 3 Dzuk նախագծերը։

Նախարարը  նշում է նաև, որ կրթության որակը բարձրացնելու նպատակով ՀՀ համալսարաններում կանցկացվեն թրեյնինգներ առաջատար մասնագետների կողմից։

Սիրարփի Աղաբաբյան