Զիդանի որդին հանդես կգա Պորտուգալիայի առաջնությունում
Ֆրանսիացի լեգենդար ֆուտբոլիստ Զինեդին Զիդանի որդին այսուհետ հանդես կգա պորտուգալական ակումբում:
Զիդանի որդին` Էնցո Զիդանը, երկու տարվա պայմանագիր է ստորագրել «Ավեշ» ակումբի հետ: Էնցո Զիդանը հանդես էր գալիս «Լոզան» ակումբում, սակայն հեռացել էր այդ թիմից և ուներ ազատ գործակալի կարգավիճակ:
Զիդան-կրտսերը մինչ այդ հանդես է եկել նաև «Ռեալ»-ի երրորդ և երկրորդ թիմերում, «Ալավես» ակումբում:
