Վլադիմիր Կլիչկոյին այրվող զբոսանավից փրկել են Միջերկրական ծովում. DPA
Իսպանիայի առափնյա պահպանության ուժերը Միջերկրական ծովում բռնկված զբոսանավից փրկել են ուկրաինացի բռնցքամարտիկ Վլադիմիր Կլիչկոյին եւ նրա ընտանիքը: Այս մասին հայտնել է Գերմանիայի DPA գործակալությունը:
Գործակալության տվյալներով՝ նավում հրդեհ է բռնկել, երբ այն Իբիցա կղզուց ուղեւորվում էր Մալյորկա եւ գտնվում էր ափից մոտավորապես 11 կիլոմետր հեռավորության վրա: Մալյորկայի հրշեջ ծառայությունն իրադրությունը վերցրել է հսկողության տակ:
Ինչպես նշել է գործակալությունը, բռնկումն առաջացել է մեքենայական բաժանմունքում: Թե ինչն է դարձել միջադեպի պատճառը, չեն հայտնում, հաղորդել է ՏԱՍՍ-ը:
