«Թեղուտը պատրաստվում է շուտով աշխատելու»
ՀՀ տնտեսական զարգացման և ներդրումների նախարար Տիգրան Խաչատրյանն այսօր կառավարության նիստից հետո լրագրողների հետ զրույցում հաստատեց, որ Թեղուտը պատրաստվում է շուտով աշխատելու։
«Մենք գիտենք ընդհանուր առմամբ, որ նախապատրաստական աշխատանքներ տարվում են։ Ժամկետների մասին առայժմ ոչինչ ասել չեմ կարող»,- ասաց Տ.Խաչատրյանը՝ հավելելով, որ նախարարությունն այդ հարցում որևէ իրավասություն չունի։
Բենզինի շուկայում նոր խաղացողի վերաբերյալ նախարարը նշեց, որ նրա գալը պայմանավորված է ենթակառուցվածքային որոշակի հենք ունենալու հետ, այժմ նախապատրաստական աշխատանքներ են ընթանում։
Ներդրումների նվազման վերաբերյալ լուրերը Տ.Խաչատրյանը հերքեց. «Այս տարվա որևէ թիվ այդ առումով ամփոփված չէ»։
Մանրամասները՝ տեսանյութում
