Հազարավոր ուկրաինացիներ ցանկանում են դառնալ Զելենսկու մամուլի քարտուղարը. «Ուկրաինսկիե նովոստի»
3 հազարից ավելի քաղաքացիներ են հայտեր ուղարկել Ուկրաինայի ընտրված նախագահ Վլադիմիր Զելենսկու շտաբ՝ մասնակցելու պետության նոր ղեկավարի մամուլի քարտուղարի պաշտոնի համար հայտարարված մրցույթին: Այդ մասին մայիսի 3-ին հայտնել է «Ուկրաինսկիե նովոստի» գործակալությունը:
«Վլադիմիր Զելենսկու թիմի HR-դեպարտամենտի էլեկտրոնային հասցեով ավելի քան 3 հազար ռեզյումե է եկել հասարակ մարդկանցից, որոնք ցանկանում են մասնակցել մրցույթին եւ վստահ են հաղորդակցվելու իրենց ունակություններին»,-հայտնել է Զելենսկու մամուլի ծառայությունը՝ ի պատասխան գորցծակալության հարցման: Զելենսկու թիմը չի նշում հավակնորդների ազգանունները, հայտնելով, որ նրանց թվում կան ինչպես հասարակ քաղաքացիներ, այնպես էլ «ուկրաինական հասարակայնությանը լայնորեն հայտնի անձնավորություններ»: Ռեզյումեներ են ուղարկում պրոֆեսիոնալ լրագրողներ, PR-մենեջերներ, հեռուստահաղորդավարներ, բլոգերներ, պրոֆիլային ֆակուլտետների ուսանողներ ու դերասաններ:
Հավակնորդներին ներկայացվում են մի շարք պահանջներ: Նրանք պետք Է տիրապետեն առնվազն երեք լեզվի (ուկրաիներենին, ռուսերենին ու անգլերենին), ունենան ժուռնալիստիկայի բնագավառում աշխատանքի կամ հանրային գործունեության փորձ, լինեն աշխատասեր ու պատրաստ՝ աշխատելու շուրջօրյա»: Բացի այդ, խոսնակը պետք է տիրապետի հաղորդակցվելու ունակությունների, ունենա արագ ռեակցիա, ադապտացված լինի դինամիկ աշխատանքին, լինի կրեատիվ, ինչպես նաեւ ունենա հումորի զգացում»,-ասված է հաղորդագրության մեջ:
Զելենսկու մամուլի քարտուղարի պաշտոնի համար մրցույթը կանցկացվի մի քանի փուլով: Հավակնորդների առաջին հարյուրյակը կկատարի ստեղծագործական տարբեր առաջադրանքներ (գրել զեկույց, տեսանյութ նկարահանել տրված թեմայով), ընդ որում՝ նրանց աշխատանքները գնահատելու են «անձնակազմի հետ աշխատանքի փորձագետները եւ Զելենսկու թիմի անդամները»: Լավագույնների տասնյակն այնուհետեւ հարցազրույց կունենա HR-դեպարտամենտի ղեկավարների եւ անձամբ Զելենսկու հետ:
«Մրցույթի բոլոր թիմակիցներն անպայմանորեն ստուգում կանցնեն անվտանգության ծառայությունների եւ հակակոռուպցիոն մարմինների կողմից»,-ասված է հաղորդագրության մեջ: Զելենսկին իր մամուլի քարտուղարի պաշտոնի համար Համացանցում բաց մրցույթ է հայտարարել ապրիլի 30-ին, հաղորդել է ՏԱՍՍ-ը:
