«Ռոնալդուն «Յուվենթուսի» ապագան է». Մասիմիլիանո Ալեգրի
«Յուվենթուսի» գլխավոր մարզիչ Մասիմիլիանո Ալեգրին պատմել է թիմի համար Կրիշտիանու Ռոնալդուի կարևորության մասին:
«Վաղը մենք պետք է փակենք չեմպիոնության հետ կապված հարցը և տոնենք, քանի որ դա նպատակ է, որին մենք գնացել ենք ամբողջ մրցաշրջանում: Սա գերազանց մրցաշրջան է: Մենք պետք է ընդունենք «Այաքսից» կրած պարտությունը, քանի որ արդեն ոչինչ չի կարելի փոխել: Մենք պետք է առաջ շարժվենք և չփնտրենք արդարացումներ:
Մենք մոտ ենք պատմական նպատակին և ուզում ենք վաղը տոնել տիտղոսը: Երկրպագուները պետք է հպարտանան թիմով, որը պատրաստվում է 8-րդ անգամ անընդմեջ հաղթել Սկուդետոն:
Կրիշտիանուն հիասքանչ մրցաշրջան անցկացրեց: Նա «Յուվենթուսի» ապագան է: Ռոնալդուն գերազանց է խաղում և կանի նույն բանը նաև հաջորդ մրցաշրջանում»,- Ալեգրիին է մեջբերում ակումբի պաշտոնական կայքը:
Պատրաստեց Անի Գաբուզյանը
