317 ուղևորով ինքնաթիռը վթարային վայրէջք է կատարել Թայվանում. CNA
Հոնկոնգի Cathay Dragon ավիաընկերության ինքնաթիռն ապրիլի 8-ին վթարային վայրէջք է կատարել Թայվանում՝ շարժիչում առաջացած ծխի պատճառով: Այս մասին հայտնել է կղզու Կենտրոնական լրատվական գործակալությունը (CNA):
317 ուղեւորով հանրանավը Թայվանի Գաոսյուն քաղաքից չվերթ էր կատարում Հոնկոնգ: Թռիչքից շատ չանցած ծուխ է հայտնաբերվել աջ շարժիչում: Վառելիքի նետում կատարելով ծովի վրա շրջանաձեւ մանեւրների ընթացքում՝ ինքնաթիռը կես ժամ անց բարեհաջող վերադարձել է օդանավակայան:
Նախնական տվյալներով՝ պատահարի պատճառ կարող էր դառնալ բախումը թռչունների հետ, հաղորդել է ՏԱՍՍ-ը:
