Մեսսին՝ Ռոնալդուին կարոտելու, հավաքականում խաղալու ցավի, լավագույնների մասին
Լեո Մեսսին հաճախ հարցազրույցներ չի տալիս, իսկ մանրամասն հարցազրույցներ գրեթե չի տալիս: Բայց թվում է, որ նա վաղուց է ցանկացել ինչ-որ կարևոր բան ասել: Ստորև ներկայացված են Octubre 94.7 FM ռադիոկայանի եթերում Մեսսիի հնչեցրած ամենակարևոր մտքերը` Ռոնալդուի մասին և ոչ միայն:
• Մեսսիի հիմնական տառապանքը` Արգենտինայի ազգային հավաքականը, կամ ավելի շուտ այն ամենը, ինչ նրան ասում են տանը:
Լեոն Մարոկկոյի հետ չխաղաց, ինչը հիասթափեցրեց հանդիպման աֆրիկացի կազմակերպիչներին, իսկ Արգենտինայում գրեցին, որ Մեսսին հրաժարվում է խաղալ ազգային հավաքականում: Սա շատ էր բարկացրել ֆուտբոլիստին:
«Իմ մասին հորինած բան գրելը սովորական բան է: Ճշմարտությունն այն է, որ ես ունեմ մարզական ճողվածք: Դա ինձ ամեն օր չի անհանգստացնում, բայց ես դեռ ամբողջությամբ չեմ ազատվել այդ խնդրից: Պետք է հոգ տանես ինքդ քո մասին»:
• Լեոն ասում է, որ քննադատությունը ցավեցնում է ոչ միայն իրեն, այլև իր ընտանիքին:
«Իմ վեցամյա որդին զարմանում է, թե ինչու են Արգենտինայում այդքան սպանում ինձ: YouTube-ում նա տեսանյութ է դիտում և հարցնում, թե ինչու նրանք ինձ այդտեղ չեն ուզում ու չեն ընդունում: Ընկերներ ունեմ, եղբայրներ, որոնք տառապում են իմ մասին ստերի պատճառով: Ինչ-որ մեկը ինչ-որ բան ասում է, իսկ արդյունքում ես դառնում եմ սրիկա»:
• Մեսսին ցանկանում է հնարավորինս արագ մոռանալ Ռուսաստանում կայացած աշխարհի գավաթի խաղարկությունը: Արգենտինան հաղթեց միայն մեկ խաղում և պարտվեց 1/8 եզրափակչում (պարտվեց Ֆրանսիային` 4: 3 հաշվով):
«Դա ծանր հարված էր: Թիմում ինձ համար ամենադժվարն է: Առաջին խաղից հետո ամեն ինչ վատացավ (1:1): Դա այն չէր, ինչ մենք ուզում էինք»:
• Մեսսին չի կարծում, որ ինքը մեղավոր է ազգային հավաքականի կազմում Իկարդիի խնդիրների համար: Մաուրոն բաց թողեց Աշխարհի գավաթը: Շատերը կարծում են, որ դրա պատճառը Վանդան ու Մեսսին են:
«Չգիտեմ, ես չէի հասկանում, թե ինչ են խոսում Իկարդիի մասին (գուցե խոսքը այն մասին է, որ թիմում Աշխարհի գավաթի նախօրեին ընկերական մթնոլորտ չէր):
Ես նրա հետ խաղացել եմ ընդամենը երկու հանդիպում: Թիմում միշտ վետերաններ կան, կան երիտասարդներ, և բոլորը ձևավորում են իրենց խմբերը: Դա միշտ եղել է ազգային թիմերում:
Ես տեսել եմ Հայնզին, Այալային Ռիքուելմային և չեմ մոտեցել նրանց: Բայց դրա մեջ ոչ մի վատ բան չկար: Ես չգիտեմ, թե ինչ է ուզում ասել Իկարդին: Մենք երբեք վատ չենք վերաբերվում որևէ մեկին»,- ասել է Լեոն:
• Արգենտինայի հավաքականի մասին կա տարածված կարծիք, որ Մեսսին ազդում է ազգային հավաքական որոշումների վրա և նույնիսկ որոշում է կազմը: Լեոն պատմում է, որ թիմի նոր գլխավոր մարզիչ Լիոնել Սկալոնին մի քանի անգամ զանգել է իրեն Աշխարհի 2018 թվականի գավաթից առաջ և պատմել, թե ինչպիսի տեսք է ունենալու հավաքականը: Միևնույն ժամանակ, Մեսսին պնդում է, որ նա չի նպաստում մարզչի որոշումներին: Ավելին, թվում է, թե Մեսին չի հասկանում Սկալոնիին:
«Ինձ համար անակնկալ էր, որ մենք խաղացինք 5 պաշտպանով Վենեսուելայի հետ, քանի որ նախորդ խաղերում մենք այլ սխեմայով էինք խաղում: Բայց հիմա փորձելու ժամանակն է: Մարզիչն իր եզրակացություններն արեց»:
• Մեսսին խոստովանում է, որ Արգենտինայի ազգային հավաքականը ավելի վատն է, քան «Բարսելոնան»՝ թե՛ խաղի որակով և թե՛ կազմով:
«Ազգային հավաքականը չի կարող խաղալ «Բարսելոնայի» նման, քանի որ «Բարսայի» խաղային ոճն առանձին փիլիսոփայություն է: Արգենտինայի ազգային հավաքականն այդպիսի խաղացողներ չունի, որպեսզի մարզվի նույն ձևով»:
• Պարզվում է, որ Լեոն տխրում է առանց Ռոնալդուի:
«Ես կարոտում եմ Կրիշտիանուին: Ուրախ էր խաղալ նրա դեմ, բայց դա դժվար էր: Երբ Ռոնալդուն մրցակցի կազմում էր, ինձ համար ավելի հաճելի էր մրցանակներ նվաճելը: Ավելի լավ կլիներ, եթե նա դեռ Մադրիդում լիներ»:
• Լեոն լրագրողներին զարմացրեց աշխարհի ամենալավ ֆուտբոլիստի մասին հարցի պատասխանով:
«Կան շատ լավ խաղացողներ` Նեյմար, Մբապե, Սուարես, Ազար: Նրանցից յուրաքանչյուրը կարող է լավագույնը լինել: Բայց ես Ռոնալդուին բացառել եմ այս խմբից, նա ինձ հետ առանձին է»:
Սիրարփի Աղաբաբյան
