«Սուլշերը համապատասխան մարդ է, որ «Յունայթեդին» տանի առաջ». Վուդվորդ
«Մանչեսթեր Յունայթեդի» փոխնախագահ Էդ Վուդվորդը խոսել է թիմի գլխավոր մարզիչ Օլե-Գունար Սուլշերի մասին՝ նրա հետ երկարաժամկետ պայմանագիր կնքելուց հետո:
««Մանչեսթեր Յունայթեդի» արդյունքները դեկտեմբերին՝ Սուլշերի ժամանելուց հետո, խոսում են ամեն ինչի փոխարեն:
Սուլշերն իր հետ բերել է ոչ միայն լավ խաղ և արդյունքներ, այլև հարուստ փորձ՝ որպես մարզիչ և որպես ֆուտբոլիստ: Նա որոշեց երիտասարդ խաղացողներին շանս տալ:
Օլեն շատ լավ հասկանում է այս ակումբի մշակույթը: Սա ենթադրում է, որ նա համապարասխան մարդ է, որ «Յունայթեդին» տանի առաջ:
Սուլշերին աջակցում են երկրպագուները և բոլորը ակումբում: Նա պլանավորում է մեզ տանել այնտեղ, որտեղ մենք պետք է լինենք: Նա կգրի «Մանչեսթեր Յունայթեդի» պատմության նոր էջը»,- ասել է Վուդվորդը:
Սիրարփի Աղաբաբյան
