Իսրայելի նախագահի կինը թոքի փոխպատվաստման վիրահատություն է տարել
Իսրայելի նախագահի տիկնոջը՝ Նեհամա Ռիվլինին դոնորի թոք են փոխպատվաստել: Այդ մասին հայտնել է պետության ղեկավարի դիվանատունը: Վիրահատությունից հետո, որը շարունակվել է մի քանի ժամ, 73-ամյա հիվանդը մնում է անզգայացման ներքո եւ միացված է արհեստական շնչառության ապարատին:
«Նա կայուն վիճակում է եւ շրջապատված ընտանիքի մերձավոր անդամներով»,- ասված է մամուլի տեղեկագրում: Ռեուվեն Ռիվլինի կնոջը մեկ թոքի փոխպատվաստում է պահանջվել թոքային ֆիբրոզի պատճառով, ինչով նա տառապում էր մի քանի տարի, հաղորդել է ՌԻԱ Նովոստին:
