Որոնք են աշխարհի լավագույն լողափերը

Baia do Sancho լողափը, որը գտնվում է բրազիլական Ֆեռնանդո-դե-Նորոնյա ոչ մեծ կղզու վրա, ճանաչվել է աշխարհի լավագույն լողափը: Այդ մասին հայտնել է Daily Mail-ը:

TripAdvisor ծառայությունն ամեն տարի վերլուծում է տասներկու ամսվա ընթացքում ճանապարհորդների արձագանքների թվաքանակն ու վարկանիշները եւ կազմում աշխարհի ամենագեղեցիկ լողափերի ցուցակը:

Ֆեռնանդո-դե-Նորոնյա կղզու Baia do Sancho լողափն աշխարհում լավագույնն էր ճանաչվել 2017 թվականին, բայց 2018-ին այն իջել էր երկրորդ տեղ:

Այժմ նա վերականգնել է իր կարգավիճակը եւ «Ճանապարհորդների ընտրություն-2019» ցուցակում զբաղեցրել ամենաբարձր հորիզոնականը: Ճանապարհորդներից մեկն այդ վայրը որակել է դրախտ, հավելելով. «Դա այն է, ինչը ես երբե՛ք չեմ մոռանա: Այնքան գեղեցիկ եւ արտասովոր վայր է, որ հնարավոր չէ բառերով նկարագրել այդ գեղեցկությունը: Մոգական է»:

Varadero լողափն ամենահայտնիներից մեկն է Կուբայում, եւ այն հայտնվել է ցուցակի երկրորդ տեղում:

Լողափը գտնվում էաղմկոտ առողջարանային քաղաքի ծայրամասում: Հյուրանոցների մեծամասնությունը 1920-ական թվականներին ծովափին կառուցվել է ամերիկացի հայտնիների, այդ թվում եւ գանգստերների կողմից:

Eagle Beach-ը հայտնվել է վարկանիշի երրորդ տեղում, այն գտնվում է Արուբա կղզու վրա:

Լողափն անձեռնմխելի մնացած բնության մի անկյուն է, այնտեղ կարելի է տեսնել ծովային կրիաներ, Ֆոֆոտի ծռմռված ծառեր (սա կղզու խորհրդանիշն է) կամ զբաղվել սպորտի տարբեր ձեւերով:

Մեկ տարի առաջի այն ցուցակի չորրորդ դիրքում էր: Եվրոպայում ամենագեղեցիկը ճանաչվել է բաց գույնի ավազով La Concha լողափը, որը գտնվում է իսպանական Սան-Սեբաստյանում:

Երկրորդ տարին անընդմեջ Մեծ Բրիտանիայում լավագույնն է դարձել Bournemouth լողափը, ԱՄՆ-ի թիվ մեկ լողափը Clearwater Beach-ն է՝ Ֆլորիդայում, իսկ Manly Beach-ը լավագույնն է համարվում Ավստրալիայում, հաղորդել է ՌԻԱ Նովոստին: