Էրնեստո Վալվերդեն երկարաձգեց պայմանագիրը «Բարսելոնայի» հետ
Մարզիչը կարող է իրեն ապահով զգալ:
«Բարսելոնայի» գլխավոր մարզիչ Էրնեստո Վալվերդեն նոր պայմանագիր ստորագրեց կատալոնական ակումբի հետ: Մարզիչն իր ստորագրությունը դրեց «կապտանռնագույնների» պայմանագրի տակ, որը նախատեսված է մինչև 2020թ. հունիս:
Ինչպես հաղորդում է ակումբի պաշտոնական կայքը, պայմանագիրը նախատեսում է մեկ տարով երկարաձգելու հնարավորություն:
Վալվերդեն գլխավորել է «Բարսելոնան» 2017 թվականին՝ ստորագրելով երկամյա պայմանագիր: 55-ամյա մարզիչը թիմի հետ հաղթել է Պրիմերան, Իսպանիայի գավաթը և Սուպերգավաթը:
«Բարսելոնան» Իսպանիայի առաջնության առաջատարն է՝ «Ռեալի» նկատմամբ ունենալով 6 միավորի առավելություն:
Պատրաստեց Անի Գաբուզյանը
