Ստամբուլի հայ համայնքի հետ հանդիպել է Հայաստանի նոր կառավարության առաջին ներկայացուցիչը
Հայաստանի Հանրապետության առողջապահության նախարար Արսեն Թորոսյանը փետրվարի 15-ին հյուրընկալվել է Պոլսո Հայոց Պատրիարքարանում, հանդիպում ունեցել հայ համայնքի հետ:
«Արմենպրես»-ի հաղորդմամբ` Թորոսյանը կարծիք է հայտնել, որ առանց մայր հայրենիքի սփյուռքը չի կարող գոյատևել: Նա շատ է կարևորել Թուրքիայի հայ համայնքի դերը: «Այստեղի հայ համայնքը մի փոքր ավելի անջատված է Հայաստանից: Մեզ համար շատ կարևոր է, որ փոխվի այն մտածողությունը, թե Հայաստանը թույլ է և դրամի կարիք ունի: Կարիք ունի զարգանալու և հարստացնելու այն մարդկանց, ովքեր կուզեն զարգացնել այն: Մենք այլևս խեղճ չենք, թույլ չենք, մենք կարիք ունենք զարգանալու Հայաստանում և Հայաստանից դուրս ապրող հայերի շնորհիվ»,-շեշտել է Թորոսյանը:
Առողջապահության նախարարը առանձնացրել է նաև այն հանգամանքը, որ նա ներկայիս կառավարության առաջին ներկայացուցիչն է, որն այցելում է Թուրքիա` այն պատիվ համարելով իր համար: «Հայաստանում վերջին շրջանում կտրուկ դրական փոփոխություններ են լինում, և եղավ վերջնական ակորդը՝ կառավարության ծրագրի ընդունումը: Ես և իմ գործընկերները պետք է լծվենք այն աշխատանքին, որը խոստացել ենք հայ ժողովրդին»,-ասել է նախարարը:
Իմ պատասխանը սփյուռքի նախարարության կարգավիճակին վերաբերող հարցին։ Կարծում եմ, որ այս հարցի մասին շատ է պետք խոսել հենց տեղերում մեր հայրենակիցների հետ, որպեսզի խուսափենք թյուրըմբռնումներից։
Gepostet von Arsen Torosyan am Freitag, 15. Februar 2019
