«Չելսին» միացել է «Ռեալին» և «Մանչեսթեր Յունայթեդին» Պոչետինոյի համար մրցավազքում
Ինչպես հաղորդում է Daily Express-ը, լոնդոնյան «Չելսին» սկսել է հետևել «Տոտենհեմի» գլխավոր մարզիչ Մաուրիսիո Պոչետինոյի շուրջ իրավիճակին և պատրաստ է առաջարկել արգենտինացուն աշխատանք այն դեպքում, եթե նա ցանկություն հայտնի հեռանալ իր ներկայիս ակումբից:
«Չելսիի» նման ցանկությունը թելադրված է թիմի մարզավիճակի կտրուկ անկումով: Հաղորդվում է, որ ակումբի ներկայիս մարզիչ Մաուրիցիո Սարին կարող է հեռացվել, եթե թիմը չհայտնվի Չեմպիոնների լիգայում:
Ինչ վերաբերում է Պոչետինոյին, ապա արդեն առաջին մրցաշրջանը չէ, որ նրան հետևում է Մադրիդի «Ռեալը», որը մարզչի հետ միասին ուզում է Իսպանիա տանել նաև «Տոտենհեմի» գլխավոր հարձակվող Հարի Քեյնին:
Պոչետինոն համարվում է նաև «Մանչեսթեր Յունայթեդի» մարզչի պաշտոնի հավակնորդներից մեկը, եթե մանկունյանցիները դժգոհ լինեն Ուլե-Գունար Սուլշերի աշխատանքից:
Պետք է նշել, որ «Տոտենհեմը» չի ցանկանում բաժանվել Պոչետինոյից: Մասնագետի պայմանագիրն ակումբի հետ ուժի մեջ է մինչև 2023 թվականը:
Պատրաստեց Անի Գաբուզյանը
