Տոկիոն Սեուլին բողոք է հայտնել վիճելի կղզիների պատկերով շոկոլադի պատճառով
Ճապոնիան բողոք է հայտնել Հարավային Կորեային այն բանի կապակցությամբ, որ այն շոկոլադի վրա, որն ապրիլի 27-ին կմատուցվի նախագահ Մուն Չժե Ինի եւ ԿԺԴՀ-ի առաջնորդ Կիմ Չեն Ընի ընթրիքի ժամանակ, միասնական Կորեայի քարտեզի վրա պատկերված են Տակեսիմա (կորեերեն Տոկտո) կղզիները, որոնց հավակնում է Տոկիոն։
Ճապոնիայի արտաքին գործերի նախարարության Ասիայի եւ Օվկիանիայի դեպարտամենտի ղեկավար Կենձի Կանասուգին կանչել է Տոկիոյում Հարավային Կորեայի դեսպանության ղեկավարությանը եւ բողոք հայտնել, քանի որ դա հակասում է սույն հարցի նկատմամբ Ճապոնիայի դիրքորոշմանը: Դիվանագիտական ուղիներով համանման բողոք է հայտնվել նաեւ Սեուլում Ճապոնիայի դեսպանության միջոցով: Տոկտո (ճապոնական անվանումը Տակեսիմա) կղզեխումբը գտնվում է Ճապոնական ծովում՝ Ճապոնիայի եւ Հարավային Կորեայի միջեւ:
Երկրորդ համաշխարհային պատերազմից հետո այդ կղզիները դարձան Կորեայինը: Ճապոնիան դա անվանում է «ապօրինի օկուպացում» եւ կղզիները համարում է իր տարածքի մի մասը եւ վարչականորեն դրանք ներառում է Սիմանեի պրեֆեկտուրայում, հաղորդել է ՌԻԱ Նովոստին:
