Վրաստան ամենից շատ փող են փոխանցում Ռուսաստանից
Ռուսաստանը կրկին առաջատարն է Վրաստան դրամական փոխանցումների ծավալով. 2018 թվականի մարտին ՌԴ-ից փոխանցել են ավելի քան 38,1 մլն դոլար, ինչը 0,5 տոկոսով պակաս է 2017 թվականի մարտի համեմատությամբ: Այդ մասին ասված է Վրաստանի Ազգային բանկի կայքում զետեղված նյութերում:
Նոյեմբեր ամսին Ռուսաստանին բաժին է ընկել փոխանցումների էլեկտրոնային համակարգերի օգնությամբ վրացական առեւտրային բանկեր կատարված դրամական փոխանցումների ընդհանուր ծավալի 29,1 տոկոսը:
2018 թվականի սկզբից Ռուսաստանից Վրաստան դրամական փոխանցումները 7,7 տոկոսով ավելի են եղել, քան անցյալ տարվա հաշվետու ժամանակաշրջանում: Ռուսաստանից դրամական փոխանցումների ընդհանուր ծավալը 2018 թվականի առաջին եռամսյակում կազմել է ավելի քան 102,4 մլն դոլար, հաղորդել է Sputnik-ը:
