Ֆրանսիայի դեսպանը՝ վիզային ռեժիմի ազատականացման մասին
ՀՀ-ում Ֆրանսիայի արտակարգ և լիազոր դեսպան Ժոնաթան Լաքոտն այսօր լրագրողների հետ հանդիպման ընթացքում անդրադառնալով ՀՀ-ԵՄ վիզային ռեժիմի ազատականացման խնդրին՝ ասաց, որ դա առանձին գործընթաց է և ներգրավված չէ ՀՀ-ԵՄ համաձայնագրում։
«Այն որոշումը, որի համաձայն՝ պետք է սկսվեն բանակցությունները, այն, թե ինչպես պետք է ընթանան դրանք, և այն պահը, որ արդեն պետք է հաստատվի վիզային ռեժիմի ազատականացումը, երկար գործընթաց է, դեռ ժամանակ կպահանջվի»,- պարզաբանեց դեսպանը՝ ընդգծելով, որ սա ԵՄ գործելակերպի մաս է կազմում։
Դեսպանի խոսքով՝ այստեղ շատ կարևոր է որոշակի պայմանավորվածությունների գոհացուցիչ լինելը. «Երբ անհրաժեշտ բոլոր պայմաններն ի մի բերվեն, բանակցային գործընթացի մեկնարկը տրվի, ապա դա կհանգեցնի վիզաների ազատականացման։ Այսինքն՝ ստացվում է այնպես, որ այդ գործընթացն ավելի շատ պետք է սկսվի հայտ ներկայացնող երկրում, քան այնտեղ՝ Բրյուսելում»։
Մանրամասները՝ 168.am-ի տեսանյութում
