Խորագիր:

Առաջին գիրք-տնակը Հայաստանում

Առաջին գիրք-տնակը Հայաստանում

Արդեն երկու շաբաթ է՝ Իսահակյան-Տերյան խաչմերուկում գործում է «Ավետիք Իսահակյան» գիրք-տնակը: Գրատնակի մտահղացման հեղինակներն են մշակույթի նախարար Արմեն Ամիրյանը և քանդակագործ Արման Դավթյանը՝ Նուռը:

Այս գրատնակի ստեղծման համար «Little Story» ընկերությունը 60 միլիոն դրամի ներդրում է կատարել: Մոտ ապագայում նախատեսվում է ստեղծել այսպիսի ևս 9 կրպակ, որոնք կտեղակայվեն հայտնի գրողների անունները կրող փողոցներում: Այդ տնակները թե՛ գույնի և թե՛ ձևի առումով կտարբերվեն իրարից:

«Ավետիք Իսահակյան» գիրք-տնակը պատրաստված է Արման Դավթյանի՝ Նուռի էսքիզներով: Գրատնակում վաճառվում են տարբեր հրատարակչությունների գրքեր, ալբոմներ: Ինչպես նաև նախատեսվում է վաճառել թանգարանների և ներկայացումների տոմսեր:

Թե այս երկու շաբաթների ընթացքում ովքե՞ր են եղել «տնակի հյուրերը», 168.am-ը պարզեց հենց գիրք-տնակի աշխատակցից:

Նա մեզ հետ զրույցում նշեց, որ գրատնակ հիմնականում օտարազգիներ են այցելում, տուրիստներ, որոնք մեծ մասամբ գնում են Հայաստանի մասին պատմող գրքեր, ինչպես նաև՝ ալբոմներ:

Նրա խոսքով՝ հայաստանցիներն այնքան էլ հաճախ չեն մտնում տնակ, իսկ պատճառը, նրա կարծիքով, այն է, որ կրպակը նոր է, և դեռ շատ մարդիկ տեղեկացված չեն դրանից:

«Սկզբում ավելի քիչ էին հաճախում, բայց հիմա աստիճանաբար հետաքրքրությունը մեծանում է, և հուսով եմ՝ դեռ կմեծանա էլ: Բացի այդ էլ՝ գիրք հիմնականում երիտասարդներն են գնում, իսկ հիմա ամառ է. ոչ համալսարաններն են բաց, ոչ էլ դպրոցները»,- ասաց աշխատակիցը:

168.am-ը անցորդների շրջանում հարցում կատարեց՝ պարզելու համար, թե որքանո՞վ են մարդիկ տեղեկացված գիրք-տնակի մասին: Հարցումն անցկացրեցինք Իսահակյան, Տերյան, Թումանյան փողոցներում: 30 հարցվածներից միայն 3-ն էին տեղյակ գիրք-տնակի մասին. մեկն անձամբ էր այցելել, երկուսն էլ հեռուստացույցով էին տեսել: Մնացածները չէին լսել տնակի մասին, բայց խոստացան անպայման այցելել:

Անի Թորոսյան

Գովազդ
Լրահոս
Ամենաընթերցված
ՕրվաՇաբաթվաԱմսվա
2017-06-08
«Ո՛չ Հայաստանի, ո՛չ Ադրբեջանի հաղթանակն այս հակամարտության մեջ ոչ մի դեպքում Պուտինին չի գոհացնում»
«Ձեր հույսերը, որ Մոսկվան չի հակառակվի այդ փաստաթղթին, զուր են։ Մոսկվան կդժգոհի և ամենակտրուկ ձևով կխոչընդոտի դրա ստորագրմանը»։