«Լեյպցիգը» հրաժարվեց Նաբի Կեյտային վաճառել «Լիվերպուլին» 65 մլն եվրոյով
«Լեյպցիգը» մերժել է կիսապաշտպան Նաբի Կեյտայի վերաբերյալ «Լիվերպուլի» առաջարկը, ով «կարմիրների» գլխավոր մարզիչ Յուրգեն Կլոպի գլխավոր տրանսֆերային նպատակն է:
Ըստ Goal ինտերնետ-պարբերականի տեղեկության՝ անգլիական ակումբը 22-ամյա ֆուտբոլիստի համար առաջարկել է 65 մլն եվրո, սակայն մերժում է ստացել:
Նախորդ շաբաթ «Լեյպցիգի» տնօրենների խորհրդի նախագահ Օլիվեր Մինցլաֆը հասկացրել էր, որ գերմանական ակումբը մտադիր չէ բաժանվել Կեյտայից:
Նախորդ մրցաշրջանում գվինեացի ֆուտբոլիստը գերմանական Բունդեսլիգայում անցկացրած 31 խաղերում դարձել է 8 գոլի և 7 փոխանցման հեղինակ:
Պատրաստեց Անի Գաբուզյանը