«Կարող եմ տեղափոխվել «Մանչեսթեր Յունայթեդ»». Նեյմար
Բրազիլացին կատակել է: «Ով գիտի, թե ինչ է լինելու վաղը: Հիմա ինձ ամեն ինչ շատ է գոհացնում, բայց ապագայում ամեն ինչ կարող է տեղի ունենալ: Կարող եմ ես տեղափոխվել «Մանչեսթեր Յունայթեդ»: Այո, կամ «Էյբար»:
Հուսով եմ, որ հաջորդ մրցաշրջանում մենք մեծ հաջողությունների կհասնենք: Ինձ սպասվում է կյանքիս կարևորագույն մրցաշրջաններից մեկը»,- Նեյմարի խոսքերն է մեջբերում Goal.com-ը:
Նեյմարը «Բարսելոնայի» կազմում հանդես է գալիս 2013 թվականից: Անցյալ մրցաշրջանում 25-ամյա բրազիլացի ֆուտբոլիստը կատալոնացիների կազմում անցկացրել է 45 հանդիպում և դարձել է 20 գոլի հեղինակ:
Պատրաստեց Անի Գաբուզյանը
