Իսրայելի օդուժը Դամասկոսի մերձակայքում հարվածել է «Հըզբոլլահ»-ի զինապահեստին. Reuters
Իսրայելի ռազմաօդային ուժերը Դամասկոսի միջազգային օդանավակայանի շրջանում հարվածել են շիաների «Հըզբոլլահ» լիբանանյան խմբավորման զինապահեստին: Այդ մասին հայտնել է Reuters գործակալությունը՝ հղում անելով տարածաշրջանային հետախուզության մի աղբյուրի՝ ընդսմին չնշելով, թե հատկապես որ երկրի հատուկ ծառայությունն է փոխանցել այդ տեղեկությունները:
Ավելի վաղ Al Ayam հեռուստաալիքը հայտնել է, որ օդային գրոհի հետեւանքով սաստիկ հրդեհ է բռնկել օդանավակայանի մերձակայքում: Սիրիական հրամանատարության կողմից հայտարարություններ առայժմ չեն եղել:
Ապրիլի 26-ին Իսրայելի պաշտպանության նախարար Ավիգդոր Լիբերմանը հայտարարել է, որ Իսրայելը թույլ չի տա Իրանին եւ «Հըզբոլլահ» լիբանանյան շարժմանն ուժեր կենտրոնացնել Գոլանի բարձունքներում՝ Իսրայելի հյուսիսային սահմանի մոտ: Նա նշել է, որ «Իսրայելը մտահոգված է Սիրիայում Իրանի ակտիվությամբ, հատկապես Սիրիայի տարածքը Լիբանանի «Հըզբոլլահ» ահաբեկչական կազմակերպությանը
իրանական զենքի մատակարարման համար որպես փոխաբեռնման բազա օգտագործմամբ»,-հաղորդել է ՏԱՍՍ-ը:
