Ադրբեջանցի բլոգեր Մեհման Հուսեյնովը կշարունակի պատիժ կրել բանտում
Բաքվի վերաքննիչ դատարանը մերժել է հայտնի բլոգեր Մեհման Հուսեյնովի բողոքը` ուժի մեջ պահելով նրան ազատազրկելու մասին որոշումը: Այս մասին հայտնում է ադրբեջանական ԱՊԱ-ն: Մեհման Հուսեյնովը մարտի 3-ին դատապարտվել է 2 տարվա ազատազրկման Բաքվի Նասիմի շրջանի ոստիկանապետի՝ զրպարտության մասին հայցի հիման վրա: Բլոգերը որոշել էր բողոքարկել որոշումը, սակայն վերաքննիչ դատարանը մերժել է նրա բողոքը:
