Ուկրաինան հարված է հասցրել Վոլգոգրադի մարզին, Սարատովում հարձակվել են Ozon-ի պահեստի վրա
Ուկրաինայի զինված ուժերը հրթիռային հարված են հասցրել Վոլգոգրադի մարզում գտնվող օբյեկտներին, երկու մարդ վիրավորվել է, վնասվել է բազմաբնակարան շենք։ Այս մասին հայտնել է մարզպետ Անդրեյ Բոչարովը։ Նրա խոսքով ՝ ԱԹՍ-ի բեկորներն ընկել են արդյունաբերական ձեռնարկության տարածքում։
«55 և 42 տարեկան երկու տուժած տղամարդիկ հոսպիտալացվել են», – ասել է Բոչարովը, որի խոսքերը մեջբերվում են շրջանային վարչակազմի Telegram-ալիքում:
Սարատովում հարձակվել են Ozon լոգիստիկ կենտրոնի վրա, հրդեհ է բռնկվել։ Սարատովում և մարզում ընկերությունը առաքումներ չի անում և չեն ընդունում հաճախորդների պատվերներն ու վաճառողների ապրանքները, իսկ ճանապարհին գտնվողները ուղարկվում են են այլ լոգիստիկ կենտրոններ, նշել են «Օզոնում»: «Լոգիստիկ երթուղիները վերակառուցելուց հետո կվերսկսենք ապրանքների առաքումն ու ընդունումը», – հավելել են ընկերությունում:
Ուկրաինայի զինված ուժերի երեք նպատակային հարված է հասցվել Կուրսկի շրջանի բազմաբնակարան շենքիուղղությամբ, հայտնել է մարզպետ Ալեքսանդր Խինշտեյնը:
«Ուկրաինական 3 դրոն հարվածել են բազմաբնակարան բնակելի շենքին։ Բուժօգնության է դիմել 1947թ. ծնված մի կին: Նախնական տվյալներով՝ կա ևս մեկ տուժած», – գրել է Խինշտեյնը «Մաքս» հարթակի ալիքում։ Նահստակեցրել է, որ տուժածը բեկորային վնասվածքներ ունի։ Երկու շենքերի շուրջ 500 բնակիչներ օպերատիվ կերպով տարհանվել են, հրդեհից հաջողվել է խուսափել:
