Ընտրողների ավելի քան 78 տոկոսը հանդես է եկել Հարավային Օսիայի վերանվանման օգտին
Ընտրողների ավելի քան 78 տոկոսը հանդես է եկել Հարավային Օսիայի Հանրապետությունը Ալանիա Պետության վերանվանելու օգտին: Այս նախնական տվյալները հրապարակել է Կենտրոնական ընտրական հանձնաժողովի ղեկավար Բելլա Պլիեւան:
«78,2 տոկոսը կողմ է, 21,8 տոկոսը՝ դեմ»,-ասել է նա: Ապրիլի 9-ին Հարավային Օսիայում անցկացվել են նախագահական ընտրություններ: Զուգահեռաբար հանրապետության քաղաքացիները պատասխանել են այն հարցին, թե իրենք համաձայն են արդյոք Հարավային Օսիայի Հանրապետույթունը Ալանիա Պետության վերանվանելուն:
Հարավային Օսիայում ընտրություններն ու հանրաքվեն կայացած են ճանաչվել, քանի որ դրանց մասնակցությունը գերազանցել է 50 տոկոսը, հաղորդել է ՏԱՍՍ գործակալությունը:
Լուսանկարը` ТАСС
