Վանաձորում «Ելքի» վստահված անձը «խախտում» է արձանագրել. Նա հեռացվել է ընտրատեղամասից
Քիչ առաջ «Ելք» դաշինքի ցուցակը գլխավորող Էդմոն Մարուքյանը Վանաձորից ուղիղ միացմամբ հայտնեց, որ Վանաձորի թիվ 23/36 տեղամասում հանձնաժողովի անդամների քվեարկությամբ հեռացվել է իրենց դաշինքի վստահված անձը:
Նա նշեց, որ իրենք պահանջում են, որպեսզի իրենց տան քվեարկության մասին արձանագրություն, և, թե ինչու է նա հեռացվել, բայց իրենց արձանագրություն չեն տալիս. «Որոշել են քվեարկությամբ հեռացնել, բայց չեն կարողանում պատճառաբանել: Մեր վստահված անձը հայտնաբերել է խախտումներ, և նրանք շատ են անհանգստացել դրանից, բացակա անձանց դիմաց կետեր են դրված եղել մատյանում, և նա պահանջել է կազմել արձանագրություն, որին հետևել է հանձնաժողովի քվեարկությունը՝ նրան ընտրական տեղամասից հեռացնելու մասին: Մենք նոր վստահված անձ ենք այստեղ ներկայացրել, սակայն նախորդ վստահված անձի հեռացման որոշումը մեզ վախենում են հանձնել: Կարծում եմ՝ անգամ այս իրավիճակում ելք կա, և բոլոր պատասխանատուները պատժվելու են»:
