Թուրքիայում ձերբակալվել է «Իսլամական պետության» 4 անդամ
Սամսունի ոստիկանության ահաբեկչության դեմ պայքարի վարչության իրականացրած հատուկ գործողությունների արդյունքում «Իսլամական պետություն» ահաբեկչական խմբավորման անդամ լինելու կասկածանքով 4 անձ է ձերբակալվել: Այս մասին հայտնում է թուրքական «Հյուրիյեթ» պարբերականը:
Հետախուզական գործողությունների արդյունքում ձերբակալված 4 անձինք Իրաքի քաղաքացիներ են: Ձերբակալվածները Իրաքի և Սիրիայի տարածքում ԻՊի կողմից մասնակցել են ռազմական գործողություններին:
