Տաշիր քաղաքում ավտոմեքենան դուրս է եկել ավտոճանապարհի երթևեկելի հատվածից. կան տուժածներ
Դեկտեմբերի 30-ին, ժամը 19.40-ին ահազանգ է ստացվել, որ Լոռու մարզի Տաշիր քաղաքի մոտակայքում տեղի է ունեցել ՃՏՊ, կան տուժածներ. անհրաժեշտ է օգնությունը:
Դեպքի վայր է մեկնել մեկ մարտական հաշվարկ:
Պարզվել է, որ Մ-3 միջպետական ավտոճանապարհի Տաշիր-Ստեփանավան հատվածի 2-րդ կմ-ում «Toyota Land Crauser» մակնիշի 23SO400 պետհամարանիշի ավտոմեքենան (վարորդ՝ Հ. Վ., ծնվ. 1994թ.) դուրս է եկել ավտոճանապարհի երթևեկելի հատվածից և շրջվել:
Մինչ հրշեջ-փրկարարների կանչի վայր հասնելը ավտոմեքենայի ուղևորներ Ա. Վ.-ը (ծնվ. 1983թ), Վ. Ղ.-ը (ծնվ. 1980թ.), Վ. Ղ. (ծնվ. 1979թ.) հոսպիտալացվել են Տաշիրի ԲԿ, որտեղ բժիշկները տուժածների առողջական վիճակը գնահատել են բավարար:
Հրշեջ-փրկարարները հոսանքազրկել են ավտոմեքենան և փակել գազի բալոնի փականը:
Հրշեջ-փրկարարները ավտոմեքենան դուրս են բերել ավտոճանապարհի երթևեկելի հատված:
Դեպքի վայրում են գտնվել ՃՈ աշխատակիցները:
