Բրազիլիայի իշխող կուսակցության փոխնախագահը ՀՀ-ի հետ խորհրդարանական բարեկամության խմբի առաջին նախագահն է
Դեկտեմբերի 13-ին կայացել է ԲրազիլիաՀայաստան խորհրդարանական բարեկամության խմբի անդրանիկ նիստը, որում ներկայացված են Բրազիլիայի Դաշնային Հանրապետության Ազգային կոնգրեսի երկու պալատների՝ Սենատի և Պատգամավորների պալատի անդամներ: Այս մասին տեղեկացրին ՀՀ արտաքին գործերի նախարարության մամուլի, տեղեկատվության և հասարակայնության հետ կապի վարչությունից՝ հավելելով.
«Մասնակիցներին ողջույնի խոսքով դիմեց Բրազիլիայում ՀՀ դեսպան Աշոտ Գալոյանը, ով, ողջունելով ԲրազիլիաՀայաստան խորհրդարանական բարեկամության խմբի անդրանիկ նիստի անցկացումը, վերջինիս անդամներին մաղթեց ամենայն հաջողություն հայ բրազիլական համագործակցության զարգացմանն ուղղված իրենց նախաձեռնություններում: Կարևորելով երկկողմ հարաբերություններում միջխորհրդարանական կապերի դերը՝ ՀՀ դեսպանը պատրաստակամություն հայտնեց քայլեր ձեռնարկել տվյալ ոլորտում փոխգործակցությունն առավել սերտացնելու ուղղությամբ:
Նիստի մասնակցող խորհրդարանականները որոշեցին բարեկամության խմբի նախագահ ընտրել Բրազիլիայի Ազգային կոնգրեսի Սենատի արտաքին հարաբերությունների և ազգային անվտանգության մշտական հանձնաժողովի նախագահ, իշխող «Բրազիլիայի ժողովրդավարական շարժում» կուսակցության փոխնախագահ, Սենատում «կառավարության առաջնորդ» Ալուիզիո Նունես Ֆերեյրային, ով Բրազիլիայի ներկայիս ԱԳ նախարար Ժոզե Սեղայի հետ միասին հանդիսանում է 2015թ. հունիսի 2-ին Դաշնային Սենատի կողմից Հայոց ցեղասպանության ճանաչման վերբերյալ բանաձևի նախաձեռնության հեղինակը:
