Չունևորները կմնան պոլիկլինիկաների հույսին

Օրեր առաջ նորանշանակ առողջապահության նախարար Լեւոն Ալթունյանն հարցազրույցներից մեկի ժամանակ ներկայացրել էր պոլիկլինիկաների հետագա ծրագրերը: Նա նշել էր, որ նպատակ ունի այդ բնագավառում կատարել բարեփոխումներ, որոշ խմբերի համար պոլիկլինիկաների մատուցած ծառայությունները դարձնել վճարովի:

Ըստ նախարարի` ունեւորները վճարելու են այդ ծառայությունների մատուցման համար, իսկ չունեւորների համար սպասարկումը շարունակելու է մնալ անվճար: Նախարարը միաժամանակ ավելացրել էր, որ ունեւորների համար նախկինում նախատեսված գումարները ծառայելու են չունեւորների սպասարկման ծառայությունների դաշտն ավելի ընդլայնելուն:

«Ասպարեզը» Շիրակի մարզում եւ Գյումրիում գործող որոշ պոլիկլինիկաների տնօրեններից հետաքրքրվեց, թե ինչ փոփոխություններ են սպասվում, եթե արտահիվանդանոցային բժշկական ծառայությունները որոշ խմբերի համար դառնան վճարովի:

-Երեւի, գումար չունեն, դրա համար է պետությունը ուզում նման բան անի: Ես չգիտեմ, կարծիք չունեմ, դեռ պետք է մտածեմ,-ասաց Գյումրու թիվ 2 պոլիկլինիկայի տնօրեն Սիրանուշ Ղուկասյանը:

Արթիկի պոլիկլինիկայի տնօրեն Յուրա Ղազոյանը, տեղեկանալով, որ նախարարը ցանկանում է համաբուժարանների ծառայություններն անվճար թողնել միայն սոցիալապես անապահով անձանց համար, նշեց.

-Սոցիալական անապահով խումբ ասվածը հիմա հարաբերական իմաստ ունի: Հիմա բոլորն էլ անապահով են: Եթե անապահովության համար հիմք է հանդիսանում հաշմանդամության կարգը, ընտանեկան նպաստը, ապա դրանք հանելով, էլի կան մարդիկ, ովքեր վճարելու հնարավորություն չունեն: Լավ կլինի, որ նույն ձեւի մնա,-ասաց Յուրա Ղազոյանը եւ ավելացրեց, որ միեւնույն ժամանակ դեմ չէ, որ կառույց լրացուցիչ գումարներ մտնեն:
Պոլիկլինիկաների բյուջեն ձեւավորվում է` ըստ բնակչության թվի: Այսինքն, մինչեւ 1500 քաղաքացի սպասարկող պոլիկլինիկայում մեկ հիվանդի համար պետությունը տարեկան տրամադրում է 83 դրամ:

Նախարար Լեւոն Ալթունյանի ծրագրի իրականացման դեպքում դեռեւս անհայտ է, թե պոլիկլինիկաների բյուջեի միջոցները կավելանա՞ն, թե՞ ոչ, որովհետեւ մասնավորապես Շիրակի մարզում անապահով ընտանիքներն ավելին են եւ կոնկրետ հստակեցում չկա, թե ով է ունեւորը, ով` չունեւորը: Այստեղից էլ եւս մեկ հարց է ծագում: Այն քաղաքացին, ով ի վիճակի կլինի վճարել, բնականաբար, նախընտրելու է վճարովի հետազոտումն անցնել ոչ թե պոլիկլինիկաների հին սարքավորումներով, այլ ժամանակակից սարքավորումներով համալրված բժշկական կենտրոններում:

Ստացվում է, որ պետությունն ավելի քիչ գումար կփոխանցի, իսկ հարուստ քաղաքացին իր հասանելիքը այլ տեղ կվճարի:

-Մեր պոլիկլինիկաներում չկան այն համապատասխան սարքավորումները, որոնցով կարելի է վճարովի ծառայություններ մատուցել: Դրանք շարքից դուրս են եկել: Բոլորի մոտ բարոյապես եւ ֆիզիկապես մաշված սարքավորումներ են: Իրենց հնարավորությունները սպառել են, մի կերպ օգտագործում են,-ասում է Շիրակի մարզպետարանի աշխատակազմի առողջապահության եւ սոցիալական ապահովության վարչության պետ Հովհաննես Հովհաննիսյանը եւ, նախարարի ծրագրին անդրադառնալիս, ասում.

Ամբողջությամբ՝ սկզբնաղբյուր կայքում։