Նորածին երեխայի առուվաճառքի գործով մեղադրվող բժշկուհին ազատ է արձակվել
2016 թ. ապրիլին նորածին երեխայի առք ու վաճառքի դեպքի առթիվ հարուցված քրեական գործի շրջանակներում կալանավորված բժշկուհի Կարինե Անտոնյանն ազատ է արձակվել: ՀՀ քննչական կոմիտեից 168.am-ին հայտնեցին, որ դատախազի որոշմամբ բժշկուհու խափանման միջոցը փոխվել է, խափանման միջոց է ընտրվել ստորագրություն չհեռանալու մասին:
Այս քրեական գործի շրջանակներում բժշկուհին ձերբակալվել էր 2016թ. հունիսի 8-ին: Նրան մեղադրանք է առաջադրվել ՀՀ քրեական օրենսգրքի 38-168-րդ հոդվածի 1-ին մասով (խնամքը ստանձնելու նպատակով երեխայի առք ու վաճառք կազմակերպելը) և 325-րդ հոդվածի 1-ին մասով (իրավունք վերապահող պաշտոնական փաստաթղթեր կեղծելը): Նրան կալանավորելու վերաբերյալ միջնորդությունը դատարանը բավարարել էր:
