Ադրբեջանը կրկին սպառնացել է հրթիռային հարված հասցնել Ստեփանակերտին
Ադրբեջանի պաշտպանության նախարարությունը դարձյալ սպառնացել է հրթիռային հարված հասցնել Ստեփանակերտին: Այս մասին տեղեկացնում է RIA Novosti-ն՝ հղում կատարելով Ադրբեջանի վերոնշյալ գերատեսչության մամուլի ծառայության ղեկավար Վագիֆ Դարգյահլին։
Վերջինս տեղեկացրել է, որ Ադրբեջանի պաշտպանության նախարար Զաքիր Հասանովը հրաման է տվել պատրաստ լինել հրթիռային հարված հասցնել Ստեփանակերտին, եթե շարունակվեն շփման գծի երկայնքով ընկած բնակավայրերին հարվածները:
