Օգտատերերը ծաղրել են Պորոշենկոյին ճմրթված կոստյումի համար
Սոցցանցի օգտատերերը ճմրթված կոստյումի համար ծաղրել են Ուկրաինայի նախագահ Պյոտր Պորոշենկոյին, որով նա գնացել էր ԱՄՆ նախագահ Բարաք Օբամայի հետ հանդիպման:
Լուսանկարը, որտեղ երկու երկրների առաջնորդները միմյանց ձեռք են սեղմում, տեղադրվել է Twitter-ում ու Facebook-ում Պորոշենկոյի և նրա վարչակազմի էջերում։
Պորոշենկոն և Օբաման հանդիպել են ապրիլի 1-ի գիշերը Վաշինգտոնում՝ միջուկային գագաթաժողովում։ Ուկրաինայի նախագահի կայքում ասվում է, որ երկու երկրների նախագահները քննարկել են Դոնբասում և Ղրիմում իրավիճակը ու «համակարգել ջանքերը՝ Ռուսաստանի կողմից Մինսկի պայմանավորվածությունների կատարման համար»։
Պորոշենկոյի կոստյումի ճմրթվածությունն ավելի վաղ ևս քննարկման թեմա էր դարձել 2015թ. նոյեմբերին Նիդեռլանդներ այցի ժամանակ: Այն ժամանակ մեծ ուշադրության էր արժանացել Պորոշենկոյի ճմրթված շալվարը: 
