Բելգիան համաձայնել է. Սալահ Աբդեսլամին կարտահանձնեն Ֆրանսիա
Բրյուսելի դատարանը վճռել է Ֆրանսիա արտահանձնել 2015թ. նոյեմբերին Փարիզի ահաբեկչությունների գլխավոր կասկածյալ Սալահ Աբդեսլամին, հայտնում է Euronews-ը:
Հիշեցնենք, որ 26-ամյա Ֆրանսիայի քաղաքացին ձերբակալվել էր մարտի 18-ին Բրյուսելի Մոլենբեկ շրջանում անցկացված հատուկ օպերացիայի ժամանակ:
Ոստիկանների հետ հրաձգության ժամանակ նա վիրավորվել էր ու տեղափոխվել հիվանդանոց:
«Նա պատրաստ է համագործակցել Ֆրանսիայի արդարադատության հետ ու ցանկանում է, որ իրեն հանձնեն ֆրանսիական իշխանություններին»,- հայտարարել է Աբդեսլամի փաստաբան Սվեն Մարին, ով այցելել էր վերջինիս Բրյուսեի խիստ ռեժիմի բանտում:
Համարվում է, որ Աբդեսլամը ահաբեկչական խմբի միակ ողջ մնացած անդամն է, որը հարձակումներ էր իրականացրել Փարիզում, ինչին զոհ էր դարձել 130 մարդ:
